Cyrraedd Christchurch

Roedd Wncwl Alun (WA) yn disgwyl amdanom yn y maes awyr pan cyrraeddom Christchurch (Ch.Ch.) ond am rhyw reswm, ynta gan mae fi oedd yn cario'r bagiau i gyd, Nia welodd WA yn gyntaf ac wrth i'r ddau groesawi eu gilydd mae WA yn holi "Ble mae'r bachgen? Ydyn nhw wedi ei ddal e o'r diwedd? Mae gyda fe olwg euog fel drygi". A dyna fel oedd hi tra yn ei gwmni, tynnu coes drwy'r amser a chael llawer o sbort. Fel y ffordd gosodwyd y bwrdd am ein brecwast cyntaf yno. Roedd popeth ar y bwrdd yn barod i ni - bowlenni, platiau, cytlyri, bocsys sirial, bara, menyn, jam, tomatos ... a dwy potel o Speights, sef cwrw enwog Seland Newydd.

Er fod WA yn 85 mlwydd oed, doedd dim amser i fod yn segur ac roedd ef o hyd yn mynd a ni o le i le. Bod mynd a ni am ddiod yn un o nifer o Working Men's Clubs, mynd a ni am dro i Akaroa am y pysgod a sglods gorau'r byd neu mynd a ni i nofio yn y pwll adeiladwyd ar gyfer Gemau'r Gymanwlad yn 1974. Hefyd roedd yn mynd a ni i gwrdd â rhai o'i ffrindiau fel Alistair a Megan a'u meibion ifanc Charlie a Sam ar eu tyddyn bach, Hayden a Mandy a'u meibion William a Timothy yn eu gwinllan neu mynd a ni i swper gyda Henry a Trudy. Ond y cwpwl cawsom ddod i nabod orau yn ystod ein cyfnod yn Ch.Ch. oedd John a Joy, neu Y Pipes fel roeddent yn cael eu galw. Naill a'i bydden nhw yn dod draw am swper ac yna am gêm o gardiau neu bydden ni yn mynd atynt hwy. Yn aml byddai'n hwyr erbyn i ni orffen chwarae gêm o Joy's Rules a byddai John wedi pendwmpian a cwympo i gysgu sawl gwaith yn ystod y noswaith ond bydden ni wedi mwynhau.

Ar y nos Wener ar ôl cyrraedd Ch.Ch. fe'r aethom i'n gêm gyntaf o rygbi Super 14. Roedd tymor newydd yn dechrau ac roedd y tîm lleol, y Canterbury Crusaders, y tîm gorau wrth gwrs sy'n cynnwys nifer o sêr y byd rygbi fel Dan Carter, Richie McCaw, Leon MacDonald, Andy Williams a Brad Thorn, yn chwarae tîm o Awstralia, yr ACT Brumbies. Er mae'r Brumbies yw'r tîm mwyaf llwyddianus Awstralia dros y blynyddoedd diwethaf cafodd y Crusaders fuddigoliaeth weddol rhwydd a'r dechreuad gorau i'r tymor. Cawsom fonws bach y noswaith hynny. Wrth i ni giwio i fyny i brynnu tocynnau ar gyfer y gêm cefais dap bach ar fy ysgwydd a rhywun yn holi os roeddwn eisiau dau docyn ar gyfer y gêm. Yn edrych bach yn syn dywedais ein bod a dyma'r boi yn rhoi dau docyn yn fy llaw. Dywedais diolch a bant ag ef yn gadael Nia a finne yn edrych yn ddwl ar ein giilydd yn methu a chredu beth oedd wedi digwydd. Troeodd y ddau docyn allan i fod yn dau sedd reit ar lein hanner ffordd, yn y stand gorau o dan dô a hithau yn noswaith wlyb hefyd. Noson wych.